Novo curso 18-19!!!!

Mañá iniciamos un novo curso xuntos!!!

Agardo que desfrutarades un montón das vacacións e cargarades as pilas para este último curso en infantil... crecen rapidísimo!!!

HORARIOS:

Xa vos deixei o novo horario no apartado de rutinas e seguimos co mesmo horario de comidas de media mañá. Tamén os enviarei mañá nas axendas. 

AXENDAS:

Non esquezades anotar mañá na axenda todo o referente a se van a comedor, bus, outeiro tardes... e calquera outro detalle que creades necesario ou dúbida que poidades ter. Recordade mandar a axenda aberta pola páxina na que escribides para que sexa máis doado e rápido revisalas. 

Moito ollo a comprobala todos os días xa que xa dende o primeiro día enviamos informacións ou pode que vos escriba algo referente ós nenos.

Pronto vos comunicarei a data para a primeira reunión do curso.

Recordade:

Necesitamos xa dende o principio a axenda, a gorra, un coxín, bandoleira coa  comida de media mañá e auga.

Todo debe vir co nome: roupa, libros, accesorios...

Nada de cordóns nin mochilas.

Se están maliños non deben vir ata estar totalmente recuperados. Queremos salvagardar o seu benestar, a saúde de todos e evitar contaxios que moitas veces son evitables se os deixamos recuperar ó 100% antes de retomar as clases.

Grazas a todos e todas por colaborar e vémonos mañá!