Remate do primeiro trimestre e celebración do Nadal!!!

Agardo que esteñades desfrutando das vacacións de Nadal! 

Rematamos o trimestre coa celebración dun día especial adicado ós nenos. Pasámolo moi ben nos talleres de baile, de maquillaxe, de orelliñas e no de adornos de Nadal. 

Tamén nos gustou moito bailar para vós, aínda que nos dera algo de vergoña!  

Logo comemos un pouco para repoñer forzas e xogamos na clase todos xuntos. 

O certo é que rematamos con cariña de sono logo de tantas emocións.

En fín, aquí vos deixo un vídeo con algunhas imaxes desa última xornada. 

Deséxovos un bo Nadal e próspero ano novo a todos!!!

Vémonos á volta ;)

(IMPORTANTE: Para ver en grande pulsade na frecha da esquina superior dereita. Podedes regular maior calidade na roda de axustes da barra inferior.) 

Mural de Outono!

O mural de Outono xa leva un tempiño na nosa parede, pero ata hoxe non sacara fotos para o blog. 

Tivemos que deixar secar as follas que trouxeron durante máis dunha semana, pero quedaron estupendas. 

Unha vez que estiveron  ben secas voltamos a clasificalas por cores, xa que moitas delas mudaron a súa cor ó secar. 

A maioría mudaron de amarelas a marróns e moitas das vermellas escureceron un pouco. 

Feito o traballiño de clasificalas, só nos quedaba a tarefa de seleccionar as máis chulas para o mural e iso foi o que fixeron por quendas. Pouco a pouco coloquei as follas que eles consideraron máis axeitadas da forma que pensaron máis adecuada. Unhas quedaron repartidas pola árbore, outras caendo... Levounos un par de días todo o proceso, pero quedou estupendo!

Adorno do Apalpador!

Esta semana fixemos uns adorniños do Apalpador. Primeiro pintamos con pinturas a súa pel, logo estiramos plastilina laranxa fara facer a barba e por último pintamos con rotus a súa boina, botas, bolsa, pipa e castañas. Quedaron moi feitiños!

O APALPADOR!

Esta semana coa proximidade ó Nadal estamos coñendo ó Apalpador. Ese carboeiro das montañas do Caurel que baixa a noite do 24 para apalpar as barriguiñas e ver os que as teñen ben cheíñas. Deixa castañas e algún xoguetiño para os máis cativos.

Aquí vos deixo un dos vídeos que vimos e que nos gustou moito!

Preparando follas de OUTONO!

Moitas grazas por mandarnos as folliñas que axudastes a recoller, xa as puxemos a secar. Son moi fermosas!

Aproveitamos para colocalas con coidado repasando as cores e agrupándoas por cores.

Arboriñas de OUTONO!

A pasada semana comezamos a preparar unhas arboriñas de OUTONO. Empregando as nosas mans, dediños máxicos e as cores de outono fixemos unhas árbores moi chulas para decorar a nosa clase.

Un convidado especial!

Durante un tempiño tivemos na aula un profe en prácticas que traballou con nós na aula e que fixo actividades moi chulas!

Magosto entre castañas!

Esta tarde celebramos o Magosto no cole e puxémonos as botas papando castañas!

Visítanos un coello!

A nosa clase xa vai para granxa! Hoxe visituno un coelliño chamado Simón que veu á clase de 4 anos. Foi xenial podelo traer para velo de preto e

Semana de Samaín entre MEIGAS! Habelas, hainas!

Este ano achegámonos a persoaxes galegos relacionados co Samaín e en 4º de infantil centrámonos nas MEIGAS.
Fixemos unha manualidade de bruxiña que

Día das bibliotecas!

Este ano, dende os Equipos de Biblioteca e de Dinamización da Lingua Galega, temos como proxecto central a aproximación as lendas galegas. Por iso irémonos achegando a elas ó longo do ano a través das distintas conmemoracións.

Así, este venres conmemoramos o Día das Bibliotecas e fixémolo na compaña de Sorisco, o Trasgo Comecastañas de Álvaro Cunqueiro.
Realizamos unha pequena actividade animación na biblioteca do centro para aproximarnos a esta personaxe tan simpática, e

Unha visitante na nosa clase!

Este xoves houbo unha visitante na clase de 4 anos, unha tartaruga chamada LU. Trátase da mascota de Asier da clase da profe Maria José. 

Tivemos a sorte de que se achegasen a nosa clase para poder vela de preto e que nos explicasen algunhas

María José cóntanos un conto!

Dende logo é unha sorte ter unhas profes que nos invitan a visitar as súas clases. A profe María José ademáis é unha contacontos estupenda!
Así visitamos a clase

ZOELAS!

Menuda actuación nos trouxo o grupo de música tradicional galega ZOELAS con música

A profe Alba e a súa clase cóntannos un conto!

Tivemos a sorte de que a clase de 5 anos conta uns contos estupendos e de que nos invitaran a súa clase para que nos contaran o conto de

Apertura do blogue dos máis bule bule da escola!

Este blogue nace co fin de achegarvos á escola, ó noso día a día e posibilitando que vos impliquedes no mesmo. 

Ten por obxectivo achegarnos ás TICs, estimular a linguaxe oral, axudar a estruturación temporal á hora de evocar e relatar acontecementos e, o máis importante, motivar os cativos cara a actividade da escola e ser fonte de diversión.

Agardo que vos agrade a proposta e a disfrutedes.

Irei actualizando o blogue sempre que me sexa posible!